సమాజ మార్పునకు కృషి చేసిన ప్రముఖులకు సత్కారం
హైదరాబాద్: సమాజంలో నిస్వార్థంగా సేవలందిస్తూ, ప్రజల జీవితాల్లో సానుకూల మార్పుకు కారణమవుతున్న వ్యక్తులను గుర్తించి గౌరవించే లక్ష్యంతో నిర్వహించిన ప్రతిష్టాత్మక ‘చేంజ్ మేకర్స్ అవార్డ్స్ 2026’ కార్యక్రమం హైదరాబాద్లో అత్యంత వైభవంగా జరిగింది. ప్రజల జీవితాల్లో వెలుగులు నింపుతూ 10 ఏళ్ల సేవా ప్రస్థానాన్ని పూర్తి చేసుకున్న ‘బి ద చేంజ్ వెల్ఫేర్ సొసైటీ’ ఆధ్వర్యంలో ఈ అవార్డుల ప్రదానోత్సవం ఘనంగా నిర్వహించారు.
“Celebrating 10 Years of Transforming Lives” అనే సందేశంతో నిర్వహించిన ఈ కార్యక్రమం “Honoring Ordinary People Creating Extraordinary Change” అనే ప్రధాన లక్ష్యంతో సాగింది. సమాజంలోని వివిధ రంగాల్లో విశేష సేవలు అందించిన వ్యక్తులను ఈ సందర్భంగా సత్కరించారు.
‘బి ద చేంజ్ వెల్ఫేర్ సొసైటీ’ నిర్వహకులు చల్లా రామ్ కళ్యాణ్ ఆధ్వర్యంలో జరిగిన ఈ కార్యక్రమంలో కార్యక్రమానికి ముఖ్య అతిథులుగా జస్టిస్ జి. రాధా రాణి, దేవిరెడ్డి సుధీర్ రెడ్డి, దుద్దిళ్ల శ్రీను బాబు, బి.ఎం.వినోద్ కుమార్, ఎ. శ్రీధర్, విమలా బండ్రు, వసంత కుమారి పాల్గొన్నారు.
నాలుగు ప్రధాన విభాగాల్లో అవార్డులు
సమాజంలో విశేష సేవలు అందించిన విజేతలకు నాలుగు ప్రధాన విభాగాల్లో పురస్కారాలను ప్రదానం చేశారు.
అపెక్స్ అవార్డు (APEX AWARDEE – Legend 10+ Years): పదేళ్లకు పైగా నిరంతరాయంగా సేవలందించిన ప్రముఖులకు ‘వాన్గార్డ్ (VANGUARD)’ గౌరవ హోదాతో సత్కారం.
చేంజ్ మేకర్స్ అవార్డు (CHANGE MAKERS – Winner 1st): సమాజంలో విశేష మార్పు తీసుకొచ్చిన ప్రథమ విజేతలకు ‘ప్రైమ్ (PRIME)’ హోదాతో అవార్డు.
ది పల్స్ అవార్డు (The Pulse Awardee – Runner-up): సామాజిక సేవలో ప్రత్యేక కృషి చేసిన రన్నరప్ విజేతలకు ‘కెటలిస్ట్ (CATALYST)’ గౌరవ పురస్కారం.
మెవరిక్ అవార్డు (MAVERICK AWARDEE – Special Jury): ప్రత్యేక జ్యూరీ ఎంపిక చేసిన వ్యక్తులకు ‘మెవరిక్ (MAVERICK)’ అవార్డు.
11 కీలక రంగాల్లో ఎంపిక
విద్య, మహిళా సాధికారత, శిశు సంక్షేమం, ఆరోగ్యం, పర్యావరణ పరిరక్షణ, జంతు సంరక్షణ, సాంకేతికత, సామాజిక సేవ, మానవ హక్కులు, క్రీడలు, కళలు-సంస్కృతి తదితర 11 ప్రధాన రంగాల్లో విశేష ప్రతిభ కనబరిచిన వారిని ఈ అవార్డుల కోసం ఎంపిక చేశారు.
ప్రముఖ సంస్థల భాగస్వామ్యం
ఈ ప్రతిష్టాత్మక కార్యక్రమానికి Microsoft సీఎస్ఆర్ పార్ట్నర్గా, Tech Mahindra వెన్యూ పార్ట్నర్గా వ్యవహరించాయి. మీడియా పార్ట్నర్గా Kaizer News, నాలెడ్జ్ పార్ట్నర్గా TKRES Foundation, టికెటింగ్ పార్ట్నర్గా PickPass సహకరించాయి.