ఆదిలాబాద్‌ రిమ్స్‌ ఆసుపత్రిలోని నవజాత శిశు ప్రత్యేక సంరక్షణ విభాగంలో ఏసీ పేలిపోవడంతో అగ్ని ప్రమాదం జ‌రిగింది. దట్టమైన పొగ అలుముకోవడంతో ఇంక్యుబేటర్లలో చికిత్స పొందుతున్న 27 మంది పసికందులకు ఇబ్బందులు ఎదురయ్యాయి. ముగ్గురు చిన్నారులు మృతి చెందగా, మరో చిన్నారి పరిస్థితి విషమంగా ఉన్నట్లు అధికారులు తెలిపారు. మిగిలిన శిశువులను హుటాహుటిన ఆస్ప‌త్రులకు తరలించారు. ఘటనపై సీఎం రేవంత్‌ తీవ్ర విచారం వ్యక్తం చేశారు.