గిద్దలూరు: గిద్దలూరు మున్సిపాలిటీలో ఎన్నికల నగారా మోగడంతో ఎన్నికల ప్రవర్తనా నియమావళి అమల్లోకి వచ్చింది. ఈ నేపథ్యంలో రాజకీయ పార్టీలకు సంబంధించిన ఫ్లెక్సీలు, బ్యానర్లు, జెండాలను ఏర్పాటు చేసిన సంబంధిత వ్యక్తులు వాటిని 24 గంటల్లోగా తొలగించాలని అసిస్టెంట్‌ ఎన్నికల అధికారి రమణబాబు సూచించారు. నిర్ణీత గడువులోగా వాటిని తొలగించని పక్షంలో ఎన్నికల నియమావళి ప్రకారం చర్యలు తీసుకుంటామని ఆయన స్పష్టం చేశారు. ఎన్నికలు పారదర్శకంగా, నిబంధనలకు అనుగుణంగా జరిగేలా అందరూ సహకరించాలని కోరారు.