తన సినీ ప్రస్థానంలో 48 ఏళ్లు పూర్తి చేసుకున్న సందర్భంగా నిర్వహించిన ‘మెగా యూత్‌ ఫోర్స్‌ ఫ్యాన్స్‌ మీట్‌’లో చిరంజీవి మాట్లాడారు. చిరంజీవి బ్లడ్‌ బ్యాంక్‌పై కొంతకాలంగా వస్తున్న ఆరోపణలపై ఆయన స్పందించారు. బ్లడ్‌ బ్యాంక్‌లో రక్తాన్ని విక్రయిస్తున్నారంటూ జరుగుతున్న ప్రచారం పూర్తిగా నిరాధారమని, ఎలాంటి విరాళాలు స్వీకరించకుండా తన సొంత కష్టార్జితంతోనే బ్లడ్‌ బ్యాంక్‌ను ఏర్పాటు చేసి నిర్వహిస్తున్నానని చెప్పారు. రక్తదానం ప్రాణాలను కాపాడుతున్నామని, తనపై ఎన్ని ఆరోపణలు వచ్చినా వాటికి ప్రాధాన్యం ఇవ్వనని, ధర్మమే తనను కాపాడుతుందన్నారు చిరంజీవి.