గ్రేటర్ వరంగల్ మున్సిపల్ కార్పొరేషన్ పరిధిలోని ఔట్ సోర్సింగ్ ఉద్యోగుల వేతనాలను తగ్గించడం అన్యాయమని మాజీ చీఫ్ విప్ దాస్యం వినయ్ భాస్కర్ అన్నారు. వరంగల్ బిఆర్ఎస్ కార్మిక విభాగం నేతలు వినయ్ భాస్కర్ ను కలిశారు. సుమారు 519 మంది వేతనాలు తగ్గించారని గతంలో ఉన్న వేతనాలను కొనసాగించడంతో పాటు సమస్యలతో కూడిన వినతి పత్రాన్ని అనేక సమర్పించారు. తమ సమస్యలను ప్రభుత్వం దృష్టికి తీసుకువెళ్లి తమ పక్షాన పోరాడాలని విజ్ఞప్తి చేయగా ఇందుకు ఆయన సానుకూలంగా స్పందించారు.