మెట్‌పల్లి బార్‌ అసోసియేషన్‌ ఆధ్వర్యంలో జాతిపిత మహాత్మా గాంధీ, భారతరత్న లాల్‌ బహదూర్‌ శాస్త్రి జయంతి సందర్భంగా నివాళుల కార్యక్రమం నిర్వహించారు. వక్తలు మాట్లాడుతూ.. నేడు మనం స్వేచ్ఛా, స్వాతంత్య్రాల‌తో జీవిస్తున్నామంటే గాంధీ, శాస్త్రి చేసిన త్యాగాలే కారణమన్నారు. ప్ర‌ధానిగా లాల్‌ బహదూర్‌ శాస్త్రి దేశానికి అందించిన సేవలు, సంస్కరణలు చిరస్మరణీయమని కొనియాడారు. వారి ఆశయాలను స్ఫూర్తిగా తీసుకుని ప్రతి ఒక్కరూ దేశాభివృద్ధికి కృషి చేయాలని పిలుపునిచ్చారు. ప్రధాన కార్యదర్శి నల్ల రాజేందర్‌, కార్యవర్గ సభ్యులు పోలకొండ దయాకర్‌ వర్మ, ద్యావని సత్యనారాయణతో పాటు బార్‌ అసోసియేషన్‌ సభ్యులు పాల్గొన్నారు.