హనుమకొండ జిల్లాలో పోలీసులు భారీగా గంజాయిని పట్టుకున్నారు. ఆత్మకూరు మండలంలోని గూడేపహాడ్ సమీపంలో పోలీసులు వాహన తనిఖీ నిర్వహిస్తుండగా అనుమానస్పదంగా ముగ్గురు యువకులను తనిఖీ చేయగా వారి వద్ద గంజాయి ఉన్నట్లు గుర్తించారు. ఈ ఘటనలో సుమారు 91 కిలోలు ఎండు గంజాయిని స్వాధీనం చేసుకున్నట్లు సీఐ బాబూలాల్ తెలిపారు. పట్టుబడ్డ గంజాయి విలువ దాదాపు రూ.45 లక్షల వరకు ఉంటుందన్నారు. ఈ ఘటనలో ముగ్గురు నిందితులను అరెస్టు చేసి రిమాండ్ నిమిత్తం పరకాల కోర్టులో హాజరు పరిచినట్లు వెల్లడించారు.