కోరుట్ల పట్టణంలో బాబు జగ్జీవన్ రామ్ జయంతిని నిర్వహించారు. కార్యక్రమంలో కోరుట్ల నియోజకవర్గ కాంగ్రెస్ పార్టీ ఇంచార్జ్ జువ్వాడి నర్సింగ్ రావు పాల్గొని, బాబు జగ్జీవన్ రామ్ విగ్రహానికి పూలమాల వేసి నివాళులు అర్పించారు. ఈ సందర్భంగా ఆయన మాట్లాడుతూ.. సామాజిక, సమానత్వం కోసం పోరాడిన బాబా జగ్జీవన్ రామ్ త్యాగాలు యువతకు ఆదర్శంగా నిలవాలని తెలిపారు. కార్యక్రమంలో స్థానిక కాంగ్రెస్ నాయకులు, ప్రజలు పాల్గొన్నారు.