ఎస్ఐఆర్ ప్రక్రియపై విచారణ జరిపించి సీఈసీ జ్ఞానేశ్వర్ కుమార్ ను పదవి నుండి తొలగించాలని జనగామ జిల్లా కాంగ్రెస్ పార్టీ అధ్యక్షురాలు లతావత్ ధన్వంతి డిమాండ్ చేశారు. ఏఐసిసి పిలుపుమేరకు కాంగ్రెస్ నేతలు జనగామ జిల్లా కేంద్రంలో ప్రజాస్వామ్య పరిరక్షణ యాత్ర నిర్వహించారు.ఈ సందర్భంగా జిల్లా ఓటర్ల జాబితా ప్రత్యేక సవరణ ప్రక్రియలో జరిగిన అక్రమాలకు జ్ఞానేష్ కుమార్ బాధ్యుడని ఆరోపిస్తూ, ఆయన తక్షణమే రాజీనామా చేయాలని డిమాండ్ చేశారు. ఈ కార్యక్రమంలో కాంగ్రెస్ నాయకులు కార్యకర్తలు పెద్ద ఎత్తున పాల్గొన్నారు.