హనుమకొండ బస్టాండ్‌లో జరిగిన రోడ్డు ప్రమాదంలో ఓ మహిళ తీవ్రంగా గాయపడింది. రేగొండ మండలానికి చెందిన నిర్మల హైదరాబాద్ వెళ్లేందుకు బస్టాండ్‌కు వచ్చింది. హైదరాబాద్‌కు వెళ్లే బస్సు కదులుతున్న సమయంలో ఎక్కేందుకు ప్రయత్నించగా ప్రమాదవశాత్తు అదుపుతప్పి కిందపడింది. ఈ క్రమంలో ఆమె కాలుపై నుంచి బస్సు ముందు టైరు వెళ్లడంతో తీవ్ర గాయాలయ్యాయి. వెంటనే స్పందించిన స్థానికులు ఆమెను ఆస్పత్రికి తరలించారు. ప్రస్తుతం నిర్మల పరిస్థితి విషమంగా ఉన్నట్లు సమాచారం.