గోమాత సేవకు ప్రతీక.. గోపాష్టమి
NEWS Nov 17,2026 03:06 pm
కార్తిక శుద్ధ అష్టమిని హిందువులు భక్తిశ్రద్ధలతో గోపాష్టమి పర్వదినంగా జరుపుకుంటారు. పురాణాల ప్రకారం బాల్యంలో శ్రీకృష్ణుడు చిన్న దూడలను మాత్రమే కాపాడేవాడు. కార్తిక శుద్ధ అష్టమి రోజున పెద్ద ఆవులను మేపే బాధ్యతను స్వీకరించినట్లు పురాణ కథనాలు చెబుతున్నాయి. అప్పటి నుంచి శ్రీకృష్ణుడిని 'గోపాలుడు' అని పిలవడం ప్రారంభమైందని ప్రతీతి. ఈ రోజున గోవులకు ప్రత్యేక పూజలు చేసి, పూలమాలలు, పసుపు, కుంకుమలతో అలంకరించి నైవేద్యాలు సమర్పిస్తారు. గోవులతో శ్రీకృష్ణుడికి ఉన్న అనుబంధాన్ని, ప్రకృతితో మానవ జీవన సంబంధాన్ని గోపాష్టమి గుర్తుచేస్తుంది.