బాలాపూర్ గణేశుడి చేతిలో ఉండే 21 కిలోల లడ్డూ వేలం పాట మొద‌లైంది. లడ్డూను వేలంలో దక్కించుకునేందుకు భక్తులు పెద్దఎత్తున పోటీ పడుతున్నారు. బాలాపూర్ లడ్డూకు ఘనమైన చరిత్ర ఉంది. 1994లో రూ.450తో ప్రారంభమైన బాలాపూర్‌ లడ్డూ వేలం.. ఏటా రికార్డు స్థాయిలో ధర పలుకుతోంది. 2002లో రూ.1.05 లక్షలు, 2015లో రూ.10.32 లక్షలు. 2018లో రూ.16.60 లక్షలు, 2019లో రూ.17.60 లక్షలు పలికింది. కరోనా కారణంగా 2020లో వేలం నిర్వహించకుండా ఆ లడ్డూను నాటి సీఎం కేసీఆర్‌కు అందజేశారు. 2021లో రూ.18.90 లక్షలు పలికిన లడ్డూ.. 2022లో రూ.24.60 లక్షలు, 2023లో రూ.27 లక్షలకు ఎగబాకింది. ఇక.. 2024లో రికార్డు స్థాయిలో రూ.30.01 లక్షలకు చేరింది. గతేడాది రూ.35 లక్షలు పలికింది.