హనుమకొండ బస్ స్టాండ్ వద్ద బీజేపీ ఆధ్వర్యంలో గుంతల్లోని నీళ్లు ఎత్తిపోస్తూ వినూత్న రీతిలో నిరసన చేపట్టారు. ఈ సందర్భంగా బీజేపీ రాష్ట్ర నేత గోపికృష్ణ మాట్లాడుతూ చిన్న వర్షం పడితే చాలు హన్మకొండ బస్టాండ్ చెరువును తలపిస్తుందన్నారు. బస్టాండ్ ఆవరణలోని గుంతల్లో నీరు నిలిచిపోవడంతో ప్రయాణికులు తీవ్ర ఇబ్బందులు పడుతున్నారని ఆరోపించారు. ప్రభుత్వం వెంటనే స్పందించి బస్టాండ్ పరిసరాల్లో రోడ్లను బాగు చేయాలని కోరారు.