హనుమకొండలో బీసీ హక్కుల సాధన సమితి ఆధ్వర్యంలో సమావేశం నిర్వహించారు. ఈ సందర్భంగా సమితి రాష్ట్ర అధ్యక్షుడు వెంకట్రాములు మాట్లాడుతూ.. జాతీయ స్థాయిలో నిర్వహించే సాధారణ జనాభా గణనలో బీసీ ఉపకులాల వారీగా స్పష్టమైన వివరాలు సేకరించేలా ప్రత్యేక కాలమ్‌ ఏర్పాటు చేయాలని డిమాండ్‌ చేశారు. బీసీల హక్కుల సాధన కోసం భవిష్యత్‌ పోరాట కార్యాచరణపై చర్చించేందుకు నవంబర్‌ 21, 22 తేదీల్లో రంగారెడ్డి జిల్లాలో రాష్ట్రస్థాయి మహాసభ నిర్వహించనున్నట్లు తెలిపారు. ఈ మహాసభకు బీసీ నేతలు, ప్రతినిధులు అధిక సంఖ్యలో హాజరై విజయవంతం చేయాలని వెంకట్రాములు కోరారు.