హైదరాబాద్‌ KBR పార్క్‌ చుట్టూ ప్రతిపాదించిన పలు ఫ్లైఓవర్లు, అండర్‌పాస్‌ల ప్లాన్లలో ప్రభుత్వం మార్పులు చేయాలని భావిస్తోంది. ‘వన్‌వే’ విధానంతో ట్రాఫిక్‌ సాఫీగా సాగుతుండటంతో, రూ.1,090 కోట్ల పాత ప్రాజెక్టులను రద్దు చేసే యోచనలో ఉన్నారు. పంజాగుట్ట నాగార్జున సర్కిల్‌ నుంచి జూబ్లీ చెక్‌పోస్ట్‌ వరకు 4km 6 వరుసల ఎలివేటెడ్‌ కారిడార్‌ను ప్రతిపాదించారు. దీంతో భూసేకరణ, నిర్మాణ వ్యయం తగ్గి రూ.1,000 కోట్లకు పైగా ఆదా అయ్యే అవకాశం ఉంది. ప్రభుత్వ తుది ఆమోదం రావాల్సి ఉంది.