అనుమతులు పొందిన భవనాల ప్రణాళిక ప్రకారమే నిర్మాణాలు చేపట్టాలని గ్రేటర్ వరంగల్ మున్సిపల్ కార్పొరేషన్ కమిషనర్ వెంకన్న అధికారులకు సూచించారు. హన్మకొండ నగరంలోని ప్రకాష్ రెడ్డిపేట, గోపాల్పూర్, పద్మాక్షి కాలనీలో నిర్మించిన భవన అక్కపెన్సి సర్టిఫికెట్ జారీ కోసం ఆయన క్షేత్రస్థాయిలో పరిశీలించారు. ప్లాన్ కు విరుద్ధంగా అదనపు నిర్మాణాలు చేపట్టవద్దని మార్గదర్శకాలకు లోబడి ముందుకు వెళ్లాలని అధికారులకు సూచించారు. ఈ కార్యక్రమంలో మున్సిపల్ అధికారులు, సిబ్బంది పాల్గొన్నారు.