AP: స్థానిక సంస్థల ఎన్నికల నేపథ్యంలో ఓటర్లు, అభ్యర్థులకు అవసరమైన సమాచారాన్ని ఒకే చోట అందుబాటులోకి తెచ్చేందుకు AP ఈసీ తన పోర్టల్‌ను ఆధునికీకరించింది. https://sec-ems.ap.gov.in వెబ్‌సైట్‌లో ఓటర్లు తమ ఎపిక్‌ నంబరు / వ్యక్తిగత వివరాల ద్వారా ఓటరు వివరాలు తెలుసుకోవచ్చు. ఎపిక్‌ నంబరు అందుబాటులో లేకపోతే వ్యక్తిగత వివరాలను నమోదు చేసి దాన్ని పొందవచ్చు. పోలింగ్‌ కేంద్రాలు, స్థానాలు, రిజర్వేషన్ల వివరాలు కూడా పోర్టల్‌లో అందుబాటులో ఉంటాయి. పోటీలో ఉన్న అభ్యర్థుల వివరాల కోసం ప్రత్యేకంగా ‘అభ్యర్థుల పోర్టల్‌’ ఆప్షన్‌ను ఏర్పాటు చేశారు. ఎన్నికల ఫలితాలను సైతం వెంటనే తెలుసుకునేలా కొత్త సదుపాయాలను అందుబాటులోకి తీసుకొస్తున్నారు.