నిర్మల్‌: సరైన ధ్రువపత్రాలు లేకుండా ప్రయాణిస్తున్న ప్రైవేటు ట్రావెల్స్‌ బస్సును రవాణా శాఖ అధికారులు సీజ్‌ చేశారు. నిర్మల్‌ జిల్లా గంజాల్‌ టోల్‌ ప్లాజా వద్ద నిర్వహించిన ప్రత్యేక తనిఖీల్లో హైదరాబాద్‌ నుంచి ఆదిలాబాద్‌ వెళ్తున్న బస్సుకు అవసరమైన ధ్రువపత్రాలు లేవని గుర్తించి ఈ చర్య తీసుకున్నారు. జిల్లా రవాణా అధికారి దుర్గాప్రసాద్‌ ఆదేశాల మేరకు నిర్వహించిన ఈ ప్రత్యేక తనిఖీల్లో మోటార్‌ వెహికల్‌ ఇన్‌స్పెక్టర్లు ధూప్‌ సింగ్‌, తిరుపతి, అసిస్టెంట్‌ మోటార్‌ వెహికల్‌ ఇన్‌స్పెక్టర్లు రానా శ్రీ, అక్షయ్‌, రజనీకాంత్‌తో పాటు రవాణా శాఖ సిబ్బంది పాల్గొన్నారు.