గిద్దలూరు: పట్టణంలో సోమవారం తెల్లవారుజామున 2.30 గంటల సమయంలో జరిగిన బైక్‌ చోరీ ఆలస్యంగా వెలుగులోకి వచ్చింది. గుర్తుతెలియని వ్యక్తి తొలుత ఆర్‌ఆర్‌ చికెన్‌ సెంటర్‌ వద్ద బైక్‌ దొంగిలించేందుకు ప్రయత్నించి విఫలమైనట్లు సమాచారం. అనంతరం ముబారక్‌ హోటల్‌ వద్ద బైక్‌ను చోరీ చేసి పరారైనట్లు తెలిసింది. ఈ ఘటనకు సంబంధించిన దృశ్యాలు సీసీ కెమెరాల్లో రికార్డయ్యాయి. బైక్‌ చోరీపై హోటల్‌ యజమాని పోలీసులకు ఫిర్యాదు చేశారు. కేసు నమోదు చేసిన పోలీసులు సీసీ కెమెరాల ఆధారంగా నిందితుడిని గుర్తించేందుకు దర్యాప్తు చేపట్టారు.
