హైదరాబాద్‌లో ట్రాఫిక్‌ సమస్యను తగ్గించి, లాస్ట్‌ మైల్‌ కనెక్టివిటీని మెరుగుపరిచేందుకు ప్రభుత్వం పాడ్‌ ట్యాక్సీ వ్యవస్థను ప్రతిపాదించింది. ఐటీ కారిడార్‌, సచివాలయం పరిసరాల్లో 40.82 కిలోమీటర్ల మేర PRTS ఏర్పాటు చేసే ప్రణాళికను అధికారులు సీఎం రేవంత్‌ రెడ్డికి వివరించారు. కూకట్‌పల్లి–రాయదుర్గం, నాలెడ్జ్‌ సిటీ, ఫైనాన్షియల్‌ డిస్ట్రిక్ట్‌, ఎన్టీఆర్‌ మార్గ్‌ ప్రాంతాలను అనుసంధానించేలా 4 కారిడార్లను ప్రతిపాదించారు. డ్రైవర్లు లేకుండా ఎలివేటెడ్‌ ట్రాక్‌లపై నడిచే ఈ పాడ్‌లలో 3 నుంచి 6 మంది ప్రయాణించవచ్చు. మెట్రో, ఎంఎంటీఎస్‌, బస్‌ స్టేషన్లతో అనుసంధానించాలని సీఎం సూచించారు. ప్రాజెక్టు వ్యయం, టికెట్‌ ధరలు, నిర్మాణ గడువు ఇంకా ఖరారు కావాల్సి ఉంది.