అల్లూరి సీతారామరాజు జిల్లాలో రాగల 5 రోజుల్లో మోస్తరు వర్షాలు కురుస్తాయని చింతపల్లి ప్రాంతీయ వ్యవసాయ పరిశోధన స్థానం ఏడీఆర్, వాతావరణ విభాగం నోడల్ అధికారి డాక్టర్ ఆళ్ల అప్పలస్వామి తెలిపారు. ఈనెల 28 వరకు రంపచోడవరం, చింతపల్లి, పాడేరు, అరకు డివిజన్ల పరిధిలో కనిష్ఠంగా 3 మిల్లీమీటర్ల నుంచి గరిష్టంగా 20 మిల్లీమీటర్ల వర్షపాతం నమోదవుతుందన్నారు. తేమ, మబ్బులతో కూడిన వాతావరణం ఉంటుందన్నారు.