కల్లూరు: కోరుట్ల ఎమ్మెల్యే డాక్టర్ కల్వకుంట్ల సంజయ్ కుమార్ చొరవతో కల్లూరు కేజీబీవీ పాఠశాలలో విద్యార్థులకు మోటివేషనల్ కార్యక్రమం నిర్వహించారు. ఈ సందర్భంగా మోటివేషనల్ స్పీకర్ డి. రంజిత్ విద్యార్థులకు ప్రేరణాత్మక సందేశాలు అందించి ఆత్మవిశ్వాసం, ఆత్మస్థైర్యం నింపారు. ఉన్నత లక్ష్యాలను నిర్దేశించుకుని పట్టుదలతో ముందుకు సాగాలని సూచించారు. ఎమ్మెల్యే చొరవతో నిర్వహించిన ఈ కార్యక్రమం విద్యార్థుల్లో స్ఫూర్తిని నింపిందని పాఠశాల ఎస్ఓ రజిత తెలిపారు.