తిరుపతి: తిరుచానూరులో కొలువైన శ్రీ పద్మావతి అమ్మవారి వార్షిక కార్తీక బ్రహ్మోత్సవాలను డిసెంబరు 6 నుంచి 14వ తేదీ వరకు వైభవంగా నిర్వహించేందుకు ఏర్పాట్లు వేగవంతం చేయాలని టీటీడీ జేఈఓ డా. ఎ. శరత్ అధికారులను ఆదేశించారు. తిరుపతిలోని టీటీడీ పరిపాలనా భవనంలో సంబంధిత అధికారులతో సమీక్ష నిర్వహించారు. పంచమి తీర్థం, అమ్మవారి ఊరేగింపునకు పకడ్బందీ ఏర్పాట్లు చేయాలని సూచించారు. రథోత్సవానికి సంబంధించిన పనులన్నీ నవంబరు 20లోపు పూర్తి చేయాలని స్పష్టం చేశారు. భక్తులకు ఎలాంటి అసౌకర్యాలు కలగకుండా అన్ని విభాగాలు సమన్వయంతో పనిచేయాలని ఆదేశించారు.