బుచ్చియ్యపేట: మండలంలోని బంగారుమెట్ట గ్రామంలో నాగుల చవితి వేడుకలను గ్రామస్థులు ఘనంగా నిర్వహించారు. కుటుంబాల వారీగా గ్రామంలోని వారంతా ఒకే పుట్ట వద్దకు చేరుకుని నాగదేవతకు ప్రత్యేక పూజలు నిర్వహించారు. సంప్రదాయ దుస్తుల్లో చిన్నారుల నుంచి పెద్దల వరకు ప్రతి ఒక్కరూ భక్తిశ్రద్ధలతో పూజల్లో పాల్గొన్నారు. అనంతరం టపాసులు కాల్చుతూ పండుగను ఆనందోత్సాహాల మధ్య జరుపుకున్నారు. గ్రామమంతా పండుగ వాతావరణం నెలకొంది.