తెలంగాణలో వచ్చే విద్యాసంవత్సరం నుంచి 10+2 విద్యా విధానాన్ని అమలు చేయాలని CM రేవంత్‌రెడ్డి అధికారులను ఆదేశించారు. బోధి పెవిలియన్‌లో విద్యాశాఖ ఉన్నతాధికారులతో నిర్వహించిన సమీక్షలో 9 నుంచి 12వ తరగతి వరకు ఉన్నత విద్యగా పరిగణించి ప్రత్యేక బోధన అందించాలని సూచించారు. 12వ తరగతి నుంచి విద్యార్థుల్లో నైపుణ్యాల అభివృద్ధిపై దృష్టి పెట్టాలని తెలిపారు. నర్సరీ నుంచి 12వ తరగతి వరకు నాణ్యమైన విద్యకు ప్రాధాన్యమివ్వాలని, ప్రభుత్వ పాఠశాలలను ప్రైవేటుకు దీటుగా తీర్చిదిద్దాలని, జూనియర్‌ కళాశాలల లెక్చరర్లు, బోధనేతర సిబ్బంది పదవీ విరమణ ప్రయోజనాలకు ఇబ్బందులు లేకుండా చూస్తామని హామీ ఇచ్చారు.