అమరావతి: ఏపీలో పరిషత్‌ ఎన్నికల ఓట్ల లెక్కింపు కొనసాగుతోంది. రాష్ట్రవ్యాప్తంగా 582 జడ్పీటీసీ, 7,767 ఎంపీటీసీ స్థానాలకు పోలింగ్‌ నిర్వహించారు. 77 జడ్పీటీసీ, 2,051 ఎంపీటీసీ స్థానాలు ఏకగ్రీవమయ్యాయి. మిగిలిన స్థానాల్లో పోటీచేసిన మొత్తం 21,012 మంది అభ్యర్థుల భవితవ్యం ఓట్ల లెక్కింపుతో తేలనుంది. రాష్ట్రవ్యాప్తంగా 365 లెక్కింపు కేంద్రాల్లో ఓట్ల లెక్కింపు చేపట్టారు. 39,694 మంది సిబ్బంది ఈ ప్రక్రియలో పాల్గొన్నారు.