జగిత్యాల: జిల్లాలోని అలీపూర్ ఆయుష్మాన్ ఆరోగ్య మందిరం జాతీయ నాణ్యతా ప్రమాణాల గుర్తింపు సాధించింది. కేంద్ర ఆరోగ్య మంత్రిత్వ శాఖ నవంబర్ 2న ఈ గుర్తింపును ధ్రువీకరించింది. మొత్తం 91.89% స్కోరు సాధించి తెలంగాణలో ఈ గుర్తింపు పొందిన నాలుగు ఆరోగ్య కేంద్రాల్లో ఒకటిగా నిలిచింది. ఈ సందర్భంగా కేంద్రం అభివృద్ధికి కృషి చేసిన వైద్య సిబ్బందిని, సర్పంచ్ ఎంబారి గౌతమీ వెంకటేష్, పాలకవర్గ సభ్యులను డిప్యూటీ డీఎంహెచ్‌ఓ డాక్టర్ ఎన్. శ్రీనివాస్ అభినందించారు. నాణ్యమైన వైద్య సేవలు అందించడంలో సిబ్బంది కృషి అభినందనీయమని పేర్కొన్నారు.