జగిత్యాల: సమగ్ర శిక్ష, జిల్లా విద్యాశాఖ ఆధ్వర్యంలో యూడైస్‌ ప్లస్‌ వర్క్‌షాప్ నిర్వహించారు. ముఖ్య అతిథిగా హాజరైన జిల్లా విద్యాధికారి రాము కార్యక్రమాన్ని ప్రారంభించి ఎంఐఎస్‌లు, సీసీఓలు, సీఆర్‌పీలకు పలు సూచనలు చేశారు. విద్యార్థులు, పాఠశాలలకు సంబంధించిన వివరాలను క్షుణ్ణంగా పరిశీలించి, ఎలాంటి తప్పులు లేకుండా ఆన్‌లైన్‌లో నమోదు చేయాలని స్పష్టం చేశారు. సమాచార నమోదు విషయంలో నిర్లక్ష్యం వహించరాదని సూచించారు. ప్లానింగ్ కోఆర్డినేటర్ సత్యనారాయణ, ఎంఈఓ గంగాధర్, ప్రధానోపాధ్యాయుడు అమర్‌నాథ్ రెడ్డి, కోఆర్డినేటర్ సంతోష్, ఏపీఓ ఆనంద్ రెడ్డి తదితరులు పాల్గొన్నారు.