రాయికల్: మండలంలోని ఒడ్డే లింగాపూర్ గ్రామపంచాయతీ పరిధిలోని పాఠశాలలో విద్యా వాలంటీర్‌కు అక్టోబర్ నెల జీతాన్ని సర్పంచ్ బండారి మానస తన సొంత నిధులతో అందజేశారు. విద్యా వాలంటీర్ సేవలను గుర్తించి ఈ ఆర్థిక సహాయం చేసినట్లు ఆమె తెలిపారు. అనంతరం పాఠశాల విద్యార్థులకు దుస్తులు, ప్రోగ్రెస్ కార్డులను పంపిణీ చేశారు. విద్యార్థులను ప్రోత్సహించడంతో పాటు పాఠశాల అభివృద్ధికి అందరూ సహకరించాలని ఈ సందర్భంగా సూచించారు. ఉపసర్పంచ్ భూక్యా శంకర్, కార్యదర్శి సాయికృష్ణ, ప్రధానోపాధ్యాయురాలు భాగ్యశ్రీ, పాఠశాల కమిటీ చైర్మన్ మల్లేశం, ఉపాధ్యాయులు, విద్యార్థుల తల్లిదండ్రులు పాల్గొన్నారు.