ప్రయాణికురాలు నెట్టివేయడంతో ఆర్టీసీ బస్సు కిందపడి మృతి చెందిన మణుగూరు డిపో మహిళా కండక్టర్ గుండ్ల ప్రవళిక కుటుంబాన్ని ప్రభుత్వం ఆదుకుంటుందని మంత్రి పొన్నం ప్రభాకర్ ప్రకటించారు. బాధిత కుటుంబానికి ₹10 లక్షల ఎక్స్‌గ్రేషియా, ప్రవళిక తల్లికి ప్రభుత్వ ఉద్యోగం, కుటుంబానికి ఇందిరమ్మ ఇల్లు మంజూరు చేస్తామ‌న్నారు. ఆర్టీసీ నిర్ణయం మేరకు బ్యాంకు ద్వారా మరో ₹ కోటి వరకు ప్రమాద బీమా అందుతుందని తెలిపారు. ప్రవళిక మృతికి కారణమైన ప్రయాణికురాలిపై హత్య కేసు నమోదు చేసి తగిన చర్యలు తీసుకుంటామని మంత్రి స్పష్టం చేశారు.