జగిత్యాల: రైతు భరోసా నిధులు రైతుల బ్యాంకు ఖాతాల్లో జమ అవుతున్నాయంటూ వస్తున్న సందేశాలు అవాస్తవమని జిల్లా వ్యవసాయ అధికారి భాస్కర్ తెలిపారు. ఈ తప్పుడు సందేశాలపై రాష్ట్ర వ్యవసాయ శాఖ సైబర్ క్రైమ్ విభాగానికి ఫిర్యాదు చేసిందన్నారు. రైతులు అనుమానాస్పద లింకులను క్లిక్ చేయవద్దని, బ్యాంకు వివరాలు, ఓటీపీ, ఏటీఎం పిన్, ఆధార్ వివరాలను ఎవరికీ వెల్లడించవద్దని సూచించారు. అనుమానాస్పద సందేశాలు, ఫోన్ కాల్స్ వస్తే నిర్లక్ష్యం చేయాలని కోరారు.