ఏపీలో మున్సిపల్ ఎన్నికల ఓట్ల లెక్కింపునకు రాష్ట్ర ఎన్నికల సంఘం అన్ని ఏర్పాట్లు పూర్తి చేసింది. ఉదయం 8 గంటల నుంచి కౌంటింగ్ ప్రారంభం కానుంది. 92 పురపాలికల్లో ఓట్ల లెక్కింపు కోసం 138 కేంద్రాలు, 556 హాళ్లు, 6,831 టేబుళ్లు ఏర్పాటు చేశారు. మొత్తం 47,817 మంది సిబ్బంది విధుల్లో పాల్గొననున్నారు. 13 కార్పొరేషన్లలోని 922 డివిజన్లు, మున్సిపాలిటీల్లోని 3,020 వార్డుల్లో పోటీ చేసిన అభ్యర్థుల భవితవ్యం తేలనుంది. రీపోలింగ్‌ కూడా ముగియడంతో ఫలితాలపై ఉత్కంఠ నెలకొంది.