హైదరాబాద్‌లో కేంద్ర హోంమంత్రి అమిత్‌ షా నేతృత్వంలో నిర్వహించిన బీజేపీ మహాపాదయాత్రకు వేలాదిగా పార్టీ శ్రేణులు, ప్రజలు తరలివచ్చారు. నిజాం కాలేజీ సమీపంలోని బాబు జగ్జీవన్‌రామ్‌ విగ్రహం నుంచి మొజంజాహి మార్కెట్‌ ఎక్స్‌ రోడ్స్‌ వరకు యాత్ర సాగింది. అనంతరం సభలో అమిత్‌ షా ప్రసంగిస్తూ.. హైదరాబాద్‌ సంస్థానాన్ని భారత యూనియన్‌లో విలీనం చేయడంలో సర్దార్‌ వల్లభాయ్‌ పటేల్‌ పాత్రను గుర్తుచేశారు. ఓటర్ల జాబితా ప్రక్షాళన కోసం చేపట్టిన SIR ప్రక్రియను కాంగ్రెస్‌ వ్యతిరేకించడంపై ప్రశ్నించారు. EVMలు, అక్రమ చొరబాట్లు, ఓటర్ల జాబితాపై చర్చించేందుకు పార్లమెంట్‌ ప్రత్యేక సమావేశాలకు బీజేపీ సిద్ధంగా ఉందని, చర్చకు రావాలని రాహుల్‌ గాంధీ, సీఎం రేవంత్‌రెడ్డికి సవాల్‌ విసిరారు.