ఢిల్లీ–ఎన్‌సీఆర్ పరిధిలో గ్రీన్ టపాసులు కాల్చేందుకు సుప్రీంకోర్టు షరతులతో కూడిన అనుమతినిచ్చింది. నవంబర్ 7, 8 తేదీల్లో ఉదయం 6 నుంచి 7 గంటల వరకు, రాత్రి 8 నుంచి 10 గంటల వరకు మాత్రమే బాణసంచా కాల్చాలని స్పష్టం చేసింది. ఆసుపత్రులు, విద్యాసంస్థలు, వృద్ధాశ్రమాలు, సైలెన్స్ జోన్లకు 300 మీటర్ల పరిధిలో టపాసులు నిషేధించింది. నిపుణుల కమిటీ ఆమోదించిన క్యూఆర్ కోడ్ కలిగిన గ్రీన్ క్రాకర్లనే విక్రయించాలని ఆదేశించింది. ఆన్‌లైన్ విక్రయాలు, డెలివరీలపైనా నిషేధం విధించింది. నిబంధనలు ఉల్లంఘిస్తే చట్టపరమైన చర్యలు తీసుకోవాలని అధికారులను ఆదేశించింది.