మార్కాపురం జిల్లా గిద్దలూరు మున్సిపల్ ఎన్నికల ఓట్ల లెక్కింపునకు అధికారులు ఏర్పాట్లు ముమ్మరం చేశారు. స్థానిక జిల్లా పరిషత్ బాలుర ఉన్నత పాఠశాలలో కౌంటింగ్ కేంద్రాలను సిద్ధం చేస్తున్నారు. ఓట్ల లెక్కింపునకు అవసరమైన టేబుళ్లు, బారికేడ్లు, ఇతర మౌలిక సదుపాయాలను ఏర్పాటు చేస్తున్నారు. నవంబర్ 3న జరగనున్న కౌంటింగ్ ప్రక్రియను ప్రశాంతంగా, పారదర్శకంగా నిర్వహించేందుకు అధికారులు చర్యలు చేపట్టారు.