గిద్దలూరు: మున్సిపల్ ఎన్నికల నిర్వహణకు అధికారులు అన్ని ఏర్పాట్లు పూర్తి చేశారు. పోలింగ్‌కు అవసరమైన ఎన్నికల సామగ్రిని ఎన్నికల సిబ్బంది ప్రత్యేక వాహనాల్లో పోలింగ్ కేంద్రాలకు తరలించారు. మొత్తం ఐదు రూట్ల పరిధిలోని 41 పోలింగ్ కేంద్రాలకు ఎన్నికల సామగ్రిని పంపిణీ చేశారు. పోలింగ్ విధులు నిర్వహించే ఎన్నికల అధికారులకు అవసరమైన అన్ని రకాల సామగ్రిని అందజేశారు. ఎన్నికలు ఎలాంటి అవాంఛనీయ సంఘటనలు చోటుచేసుకోకుండా ప్రశాంత వాతావరణంలో నిర్వహించేందుకు అధికారులు పటిష్ఠ ఏర్పాట్లు చేశారు.