భీమారం మండలం గోవిందారం జడ్పీహెచ్ఎస్‌లో పదో తరగతి చదువుతున్న బత్తుల రుచిత 800, 600 మీటర్ల పరుగుపందాల్లో రాష్ట్రస్థాయిలో పలు పతకాలు సాధించింది. నిరుపేద కుటుంబానికి చెందిన ఆమె తండ్రి అనారోగ్యంతో బాధపడుతుండగా, తల్లి కూలీ పనులు చేస్తోంది. హెచ్‌ఎం మొహమ్మద్ అశ్వాక్ హుసేన్, పీఈటీ ప్రశాంత్ ప్రోత్సాహంతో రాణిస్తున్న రుచిత జాతీయస్థాయిలో దేశానికి పతకాలు సాధించాలని లక్ష్యంగా పెట్టుకుంది. ఆమె చదువు, క్రీడా శిక్షణకు దాతలు సహకరిస్తే మరింత రాణించే అవకాశం ఉంటుందని ప్రధానోపాధ్యాయులు తెలిపారు.