మల్యాల మండలం లంబాడిపల్లిలో ఏవో చంద్ర దీపక్ ఆధ్వర్యంలో ఇవాళ ఖేత్ బచావో అభియాన్ కార్యక్రమం నిర్వహించారు. ఎల్ నినో ప్రభావంతో పంటలను కాపాడుకునే చర్యలు తీసుకోవాలని సూచించారు. వీబీజీ రామ్ జీ పథకం కింద పంట కుంటలు తవ్వుకోవాలని, వరి కోసిన తర్వాత పంట వ్యర్థాలను కాల్చకుండా నేలలో కలియదున్నాలని తెలిపారు. యాసంగిలో మొక్కజొన్న, పెసర, మినుము, వేరుశనగ, పొద్దుతిరుగుడు వంటి ఆరుతడి పంటలు వేయాలని, మామిడి, ఆయిల్ పామ్ తోటలకు డ్రిప్ ద్వారా నీరందించాలని సూచించారు. సర్పంచ్ మరాఠీ సంధ్యారాణి, ఏఈఓ వరుణ్, రైతులు పాల్గొన్నారు.