సారంగాపూర్ కస్తూర్బా గాంధీ బాలికల విద్యాలయానికి చెందిన ఎం. నందిని అండర్‌-17 బాలికల విభాగంలో ఎస్‌జీఎఫ్ జోనల్ స్థాయి అథ్లెటిక్స్ పోటీల్లో 100 మీటర్ల పరుగులో ప్రథమ స్థానం సాధించింది. ఈ విజయంతో రాష్ట్రస్థాయి పోటీలకు ఎంపికైంది. జోనల్ స్థాయిలో ప్రతిభ చాటి రాష్ట్రస్థాయికి ఎంపిక కావడం పట్ల పాఠశాల ఉపాధ్యాయులు, పి ఈ టి, మరియు సిబ్బంది హర్షం వ్యక్తం చేశారు. నందినికి అభినందనలు తెలియజేస్తూ రాష్ట్రస్థాయిలోనూ విజయం సాధించాలని ఆకాంక్షించారు.