అర్మేనియా పార్లమెంటులోని నేషనల్ అసెంబ్లీలో అధికార, ప్రతిపక్ష ఎంపీల మధ్య వాగ్వాదం తీవ్ర ఘర్షణకు దారితీసింది. ఇరువర్గాల సభ్యులు పరస్పరం పిడిగుద్దులు కురిపించుకోవడంతోపాటు కాళ్లతో తన్నుకున్నారు. ఈ ఘటన ప్రత్యక్ష ప్రసారంలో వెలుగుచూసింది. అధికార సివిల్ కాంట్రాక్ట్ పార్టీ ఎంపీ టారోన్ చఖోయన్ ప్రతిపక్ష సభ్యులు, మాజీ అధ్యక్షుడు రాబర్ట్ కోచార్యన్ అనుచరులపై అవినీతి ఆరోపణలు చేయడంతో వివాదం మొదలైనట్లు సమాచారం. ప్రతిపక్ష నేత నరేక్ కరపెట్యాన్ అభ్యంతరం వ్యక్తం చేయడంతో ఘర్షణ ముదిరింది. పార్లమెంటు హాలు నుంచి కారిడార్‌కు కూడా గొడవ విస్తరించింది.
