గిద్దలూరు–ఒంగోలు హైవేపై గుర్తుతెలియని వాహనం ఢీకొని అపస్మారక స్థితిలో ఉన్న వ్యక్తిని గమనించిన గిద్దలూరు ఎమ్మెల్యే ముత్తుముల అశోక్ రెడ్డి వెంటనే స్పందించారు. తన ప్రయాణాన్ని పక్కనపెట్టి అంబులెన్స్‌కు ఫోన్ చేసి బాధితుడిని ఆసుపత్రికి తరలించేలా చర్యలు తీసుకున్నారు. బాధితుడికి తక్షణ వైద్యం అందించాలని వైద్యులకు సూచించారు. ఆపదలో ఉన్న వ్యక్తికి అండగా నిలిచి మానవత్వాన్ని చాటుకున్నారు.