వైసీపీ అధినేత వైఎస్‌ జగన్‌ తన సోదరి షర్మిలకు రాసిన లేఖను పార్టీ విడుదల చేసింది. షర్మిల కుమార్తె అంజలి వివాహాన్ని బెంగళూరులోని తన నివాసంలో నిర్వహించడంపై జగన్‌ అభ్యంతరం వ్యక్తం చేసినట్లు లేఖలో పేర్కొన్నారు. అక్కడ పెళ్లి జరిపితే భద్రత, వ్యక్తిగత గోప్యతకు సంబంధించిన సమస్యలు తలెత్తే అవకాశం ఉందని వివరించారు. తన కుటుంబ భద్రత దృష్ట్యా మరో వేదికను ఎంచుకోవాలని కోరారు. ప్రత్యామ్నాయంగా హైదరాబాద్‌లోని లోటస్‌ పాండ్‌లో వివాహం నిర్వహించుకోవచ్చని సూచించినట్లు లేఖలో వెల్లడైంది.