దసరా సెలవులు ముగియడంతో స్వస్థలాల నుంచి తిరుగు ప్రయాణమైన ప్రయాణికులకు మెట్‌పల్లి బస్టాండ్‌లో చీకటి ఇబ్బందులు కలిగిస్తోంది. బస్టాండ్‌ బయట లైట్లు వెలుగుతున్నా, ప్లాట్‌ఫామ్‌లపై లైట్లు లేకపోవడంతో ప్రయాణికులు అవస్థలు పడుతున్నారు. బస్సుల కోసం వేచి చూస్తున్న మహిళలు భయాందోళనకు గురవుతూ సెల్‌ఫోన్‌ టార్చ్‌ల వెలుతురులో నిరీక్షిస్తున్నారు. పండుగల సమయంలో టికెట్‌ ధరలు పెంచుతున్న అధికారులు ప్రయాణికులకు కనీస సదుపాయాలు కల్పించడంలో నిర్లక్ష్యం వహిస్తున్నారని పలువురు ఆగ్రహం వ్యక్తం చేస్తున్నారు. ఇప్పటికైనా అధికారులు స్పందించి ప్లాట్‌ఫామ్‌లపై లైట్లు ఏర్పాటు చేయాలని ప్రయాణికులు కోరుతున్నారు.