దసరా పండుగ సందర్భంగా తెలంగాణలో మద్యం విక్రయాలు భారీగా పెరిగాయి. అక్టోబర్‌ 1 నుంచి 19 వరకు 19 రోజుల్లో రాష్ట్ర వ్యాప్తంగా ₹ 2,054.51 కోట్ల విలువైన మద్యం అమ్ముడైనట్లు ఎక్సైజ్‌ శాఖ తెలిపింది. గత ఏడాదితో పోలిస్తే విక్రయాలు 37% పెరిగినట్లు అధికారులు తెలిపారు. అక్టోబర్‌ 19న ఒక్కరోజే అత్యధికంగా ₹303.40 కోట్ల అమ్మకాలు నమోదయ్యాయి. అక్టోబర్‌ 16న ₹126.32 కోట్లు, 17న ₹223.25 కోట్లు, 14న ₹102.17 కోట్ల విక్రయాలు జరిగాయి. పండుగకు ముందు మద్యం కొనుగోళ్లు పెరగడంతో ప్రభుత్వానికి ఎక్సైజ్‌ ఆదాయం గణనీయంగా వచ్చినట్లు తెలుస్తోంది.