కేంద్ర ప్రభుత్వం అమలు చేస్తున్న సంక్షేమ కార్యక్రమాలను ప్రజల్లోకి తీసుకెళ్లాలని బీజేపీ జాతీయ నేత మురళీధర్ రావు అన్నారు. హనుమకొండ నగరంలో బీజేపీ ఆధ్వర్యంలో నిర్వహించిన సేవా జ్యోతి యాత్రలో ఆయన ముఖ్య అతిథిగా పాల్గొన్నారు. సేవా సంకల్ప అభియాన్‌లో భాగంగా అంబేద్కర్ జంక్షన్ నుంచి అమరవీరుల స్తూపం వరకు యాత్ర కొనసాగింది. సమాజంలో సేవాభావాన్ని పెంపొందించడంతో పాటు, పార్టీ ఆధ్వర్యంలో చేపడుతున్న సేవా, సంక్షేమ కార్యక్రమాలపై ప్రజలకు అవగాహన కల్పించాలని మురళీధర్ రావు సూచించారు.