అంటార్కిటికాలోని భారత పరిశోధన కేంద్రం ‘మైత్రి’లో భారత శాస్త్రవేత్తలు వినూత్నంగా వినాయక చవితి వేడుకలు నిర్వహించారు. మంచుతో గణపతి విగ్రహాన్ని స్వయంగా రూపొందించి, పూజలు, హారతి, నైవేద్యాలు సమర్పించారు. పర్యావరణానికి ఎలాంటి హాని కలగకుండా పరిశోధన కేంద్రంలోనే నీటి బకెట్లో మంచు గణపతిని నిమజ్జనం చేశారు. విగ్రహం వెంటనే నీటిలో కరిగిపోయింది. వేల కి.మీ దూరంలో, తీవ్రమైన చలిలోనూ సంప్రదాయాలను కొనసాగించిన శాస్త్రవేత్తలపై ప్రశంసలు కురుస్తున్నాయి.
