వరంగల్‌ (మామునూరు) ఎయిర్‌పోర్టుకు మంచి పేరు సూచించాలని సీఎం రేవంత్‌ రెడ్డి ప్రజలను కోరారు. దశాబ్దాలుగా పెండింగ్‌లో ఉన్న ఈ ప్రాజెక్టును తమ ప్రభుత్వం సాకారం చేస్తోందని చెప్పారు. భూసేకరణ కోసం రూ.295 కోట్లు కేటాయించి, 953 ఎకరాలను AAIకి అప్పగించినట్లు చెప్పారు. ఎయిర్‌పోర్టు పనులను 3 ప్యాకేజీలుగా చేపడుతున్నారు. రన్‌వే, పార్కింగ్‌, డ్రైనేజీతో పాటు రూ.213.59 కోట్ల అంచనా వ్యయంతో టెర్మినల్‌, ATC టవర్‌, ఫైర్‌ స్టేషన్‌, పవర్‌ సబ్‌స్టేషన్లు నిర్మించనున్నారు. నవంబర్‌లోగా టెండర్లు పూర్తి చేసి, డిసెంబర్‌లో శంకుస్థాపన చేయాలని ప్రభుత్వం లక్ష్యంగా పెట్టుకుంది.