వరంగల్ ఎన్ఐటి పూర్వ విద్యార్థి కళాశాలకు భారీ విరాళాన్ని అందజేసి తన ఔన్నత్యాన్ని చాటుకున్నారు. ఎన్ఐటి 1983 బ్యాచ్ పూర్వ విద్యార్థి శ్రీనివాస్ తాను అభ్యసించిన కళాశాల అభివృద్ధి కోసం ఎన్ఐటికి రూ.1 కోటి విరాళం అందజేశారు. విద్యా పరిశోధన సంస్థగత అభివృద్ధికి తాను విరాళం ప్రకటిస్తానని గతంలో హామీ ఇచ్చారు. ఇందులో భాగంగా రూ.1కోటి విరాళం అందజేసినట్లు ఎన్ఐటి డైరెక్టర్ సుబుద్ది పేర్కొన్నారు. ఎన్ఐటి అభివృద్ధికి పూర్వ విద్యార్థుల సహకారం ఎంతో దోహదపడుతుందన్నారు.