కరీంనగర్: ఎన్నికల్లో మహిళలకిచ్చిన హామీలను నెరవేర్చడంలో ప్రభుత్వం విఫలమైందని నిరసిస్తూ బీఆర్‌ఎస్‌ ఆధ్వర్యంలో కరీంనగర్ కలెక్టరేట్‌ ఎదుట శుక్రవారం 'వంట-వార్పు' చేపట్టారు. మాజీ మంత్రి, ఎమ్మెల్యే గంగుల కమలాకర్‌, మాజీ ఎంపీ వినోద్‌ కుమార్‌ పాల్గొని రోడ్డుపైనే వంటలు చేసి నిరసన తెలిపారు. కాంగ్రెస్ ప్రభుత్వం తన హామీలను తక్షణమే నిలబెట్టుకోవాలని ఈ సందర్భంగా పెద్దెత్తున నినాదాలు చేశారు.