దుబాయ్‌: మహిళల ఆసియా కప్‌ 2026లో భారత స్టార్‌ ఓపెనర్‌ స్మృతి మంధాన రికార్డుల మోత మోగించింది. హాంకాంగ్‌తో జరిగిన గ్రూప్‌-ఏ మ్యాచ్‌లో 64 బంతుల్లో 14 ఫోర్లు, 7 సిక్సర్లతో 124 పరుగులు చేసి అద్భుత శతకం సాధించింది. మహిళల అంతర్జాతీయ క్రికెట్‌లో అత్యధిక పరుగులు చేసిన బ్యాటర్‌గా మిథాలీ రాజ్‌ను అధిగమించింది. అలాగే అంతర్జాతీయ క్రికెట్‌లో అత్యధిక శతకాలు సాధించిన మహిళా క్రికెటర్‌గా మరో రికార్డు నెలకొల్పింది. స్మృతి విధ్వంసకర బ్యాటింగ్‌తో భారత్‌ 20 ఓవర్లలో 5 వికెట్లకు 193 పరుగుల భారీ స్కోరు చేసింది.